Endurmenntun

Óstöðvandi - lyklar að meiri ánægju og árangri í leik og starfi

Námskeiðið er hluti af Endurmenntun fyrir atvinnubílstjóra og kemur þar inn sem valnámskeið.

Forkröfur náms: Ætlað atvinnubílstjórum í akstri ökutækja með ökuréttindaflokki D1 og D til farþegaflutninga í atvinnuskyni og í flokki C1 og C til vöruflutninga í atvinnuskyni.

Atvinnubílstjórar þurfa á fimm ára fresti að endurnýja atvinnuréttindi sín.

Námskeiðið í heild sinni er 7 klst. og skiptist í tvo kafla:

1) Máttur tilfinninga - 3.5 klst.

2) Máttur viðhorfa - 3.5 klst.

Námskeiðið heitir ÓSTÖÐVANDI Í TOPP TILFINNINGALEGU ÁSTANDI. Það er hannað fyrir þá sem vilja byggja upp sterkari karakter sem þolir betur mótlæti lífsins en nýtur jafnframt enn betur þess sem lífið hefur að bjóða. Það er hannað til að auka vellíðan fólks og innstilla hugarfar sem yfirstígur hindranir. Þetta er námskeið fyrir þá sem vilja bæta lífsgæði sín, bæta frammistöðu á hvaða sviði sem er, uppskera betri árangur og auka hamingju.

Fyrri hlutinn námskeiðisins Óstöðvandi í topp tilfinningalegu ástandi fjallar um magnaðasta mátt mannsins, tilfinningar! Ég leyfi mér að taka svo sterkt til orða því tilfinningar eru í raun aflið að baki öllum verkum mannfólksins, stórum sem smáum. Tilfinningar eru nefnilega drifkraftur alls, án þeirra yrði engin þróun, engin hreyfing. Máttur þeirra er í raun svo mikill að þær hafa drifið áfram strærstu sigra manneskjunnar eins og landfundi, geimferðir, íþróttaafrek, einstaka friðartíma, tækniframfarir. En þær hafa líka drifið áfram eyðileggjandi athæfi eins og stríð, hryðjuverk, sundrung, svindl og spillingu.

Tilfinningar eru afl sem við getum virkjað okkur í hag (ef við viljum) með ótrúlegum árangri en þá þurfum við að skilja hvernig þær virka, og þjálfa okkur svo í aðferðum sem veita þeim í uppbyggilegan farveg. Það er einmitt þetta sem við gerum á þessu námskeiði.

í seinni hluta námskeiðisinns munum beina sjónum okkar að viðhorfum og trú. Viðhorf er í raun sú merking sem við leggjum í það sem við fókusum á hverju sinni og trúum á. Þessi merking hjálpar heilanum að taka ákvarðanir um hvað skuli sækjast í, hvað skuli forðast og hvernig sé best að aðhafast hverju sinni. Á bakvið allar tilfinningar og athafnir eru meðvituð og ómeðvituð viðhorf. Með því að skilja hvernig þau virka, hvernig þau verða til og hvernig við getum tileinkað okkur og ræktað uppbyggileg viðhorf, getum við tekið stjórn á viðbrögðum og ákvörðunum sem við gátum ekki gert áður.

MARKMIÐ NÁMSKEIÐSINS:

Hugmyndafræðin og aðferðirnar sem kynntar eru á námskeiðinu miða að því að auka það sem við öll sækjumst eftir í lífinu, meiri vellíðan og meiri velgengni.

Með því að nota aðferðirnar getum við stórbætt daglega líðan, sjálfsöryggi og trú á eigin getu, bætt gæði ákvarðana og athafna. Áhrifin gera vart við sig strax og nýtast á hvaða sviði lífsins sem er, en það magnaða er að með daglegri ástundun getur lífið tekið algjörum stakkaskiptum til betri vegar.

Námskeiðið er einstaklega öflug leið fyrir hópa til að bæta samskipti, stemningu, innprenta uppbyggileg viðhorf, auka samvinnu og byggja þannig upp sterkari liðsheild. Hvers vegna virkar það svo vel þegar kemur að liðsuppbyggingu? Í fyrsta lagi er það vegna þess að þegar hver einstaklingur innan hópsins er í sterkri vellíðan þá getur viðkomandi raunverulega sinnt sínu hlutverki eins vel og honum er unnt. Í annan stað er það vegna þess að eftir námskeiðið liggur ljóst fyrir hve mikil áhrif tilfinningaástand hvers og eins hefur á heildina, á uppbyggilegan eða niðurrífandi hátt. Hópur sem samanstendur af fólki sem vill taka ábyrgð á eigin líðan og kann aðferðir til að gera slíkt er hópur þar sem framfarir, vöxtur og ánægja fær þrifist.

Til baka